Vibhakti Pratyaya Chart | Kannada Vibhakti Pratyaya | Vibhakti Pratyaya Galu | ವಿಭಕ್ತಿ ಪ್ರತ್ಯಯಗಳು

vibhakti pratyaya chart | kannada vibhakti pratyaya | vibhakti pratyaya galu | ವಿಭಕ್ತಿ ಪ್ರತ್ಯಯಗಳು, vibhakti pratyaya in kannada, pdf, notes

ವಿಭಕ್ತಿ ಪ್ರತ್ಯಯಗಳು

ನಾಮ ಪದಗಳ ಮೂಲ ರೂಪಕ್ಕೆ ನಾಮ ಪುಕೃತಿ ಎಂದು ಹೇಳುತ್ತೇವೆ.ನಾಮ ಪ್ರಕೃತಿಗಳ ಜೊತೆ ಪ್ರತ್ಯಯಗಳು ಸೇರಿ ನಾಮಪದಗಳಾಗುತ್ತವೆ . ಈ ರೀತಿ “ ನಾಮ ಪ್ರಕೃತಿಗಳ ಜೊತೆ ಸೇರುವ ಅಕ್ಷರಗಳಿಗೆ ವಿಭಕ್ತಿ ಪ್ರತ್ಯಯವೆಂದು ಹೆಸರು ಅಥವಾ ” ನಾಮ ಪ್ರಕೃತಿಗಳಿಗೆ ಇರುವ ಸಂಭಂಧವನ್ನು ತಿಳಿಸಲುಸೇರಿರುವ ಪ್ರತ್ಯಯಕ್ಕೆ ವಿಭಕ್ತಿ ಪ್ರತ್ಯಯವೆಂದುಹೆಸರು . ಅಥವಾ ಕ್ರಿಯಾಪದದೊಂದಿಗೆ ನಾಮಪದಗಳ ಸಮಭಂಧವನ್ನು ತಿಳಿಸುವ ಕರ್ತೃ , ಕರ್ಮ , ಕರಣ , ಸಂಪುಧಾನ , ಅಪಾದಾನ , ಅಧಿಕರಣ , ಮುಂತಾದ ಕಾರಕಾರ್ಥಗಳನ್ನು ವಿಭಜಿಸಿ ಹೇಳುವ ಪ್ರತ್ಯಯಗಳನ್ನು ವಿಭಜಿಸಿ ಪ್ರತ್ಯಯ ‘ ಎಂದು ಕರೆಯಲಾಗಿದೆ .

” ವಿಭಕ್ತಿಗಳಿಗೆ ಪ್ರತ್ಯಯಗಳು ಸೇರಿ ಒಂದು ಪೂರ್ಣ ನಾಮಪದವಾಗುತ್ತದೆ.ಈ ವಿಭಕ್ತಿ ಪ್ರತ್ಯಯಗಳನ್ನು ಪುಲಿಂಗ , ಸ್ತ್ರೀಲಿಂಗ , ನಪುಂಸಕಲಿಂಗ , ಹಾಗೂ ಸರ್ವನಾಮ ಪದಗಳಿಗೆ ಅಳವಡಿಸಿ ಬರೆಯಬಹುದು ….

ಮೊದಮೊದಲು 8 ವಿಭಕ್ತಿ ಪ್ರತ್ಯಯಗಳು ಇದ್ದವು. ಆದರೆ ಈಗ ಸಂಬೋಧನಾ ವಿಭಕ್ತಿ ಯನ್ನು ಬಿಟ್ಟು 7 ವಿಭಕ್ತಿಗಳನ್ನು ಕಾಣಬಹುದು.

ಅವುಗಳೆಂದರೆ: ಪ್ರಥಮ, ದ್ವಿತೀಯ, ತೃತೀಯ, ಚತುರ್ಥಿ, ಪಂಚಮಿ, ಷಷ್ಠಿ, ಸಪ್ತಮೀವಿಭಕ್ತಿ ಗಳೆಂದು.

ಹಳೆಗನ್ನಡ ಪ್ರತ್ಯಗಳು: ಕ್ರಮವಾಗಿ:- ಮ್, ಅಮ್, ಇಮ್,ಗೆ(ಕೆ),

ಅತ್ತಣಿಂ, ಅ, ಒಳ್.

ಹೊಸಗನ್ನಡ ಪ್ರತ್ಯಯಗಳು: ಕ್ರಮವಾಗಿ:- ಉ,ಅನ್ನು,ಇಂದ,ಗೆ(ಕೆ),ದೆಸೆಯಿಂದ, ಅ,ಅಲ್ಲಿ

vibhakti pratyaya chart

ಸಂಖ್ಯೆ	ವಿಭಕ್ತಿ	ಅರ್ಥ (ಕಾರಾಕಾರ್ಥ)	ಹೊಸಗನ್ನಡ ಪ್ರತ್ಯಯ	ಹಳಗನ್ನಡ ಪ್ರತ್ಯಯ
೧	ಪ್ರಥಮ	ಕರ್ತೃರ್ಥ/ಮಾಡುಗ(ಕೆಲಸ ಮಾಡುವ ನಾಮಪದ)	ಉ	ಮ್
೨	ದ್ವಿತೀಯಾ	ಕರ್ಮಾರ್ಥ/ಕೆಲಸವು ಈ ನಾಮಪದದ ಮೇಲೆ ನಡೆಯುವುದು	ಅನ್ನು	ಅಂ
೩	ತೃತಿಯಾ	ಕರಣಾರ್ಥ (ಸಾಧನಾರ್ಥ)/ಕೆಲಸಕ್ಕೆ ಕಾರಣ/ಇದನ್ನು ಬಳಸಿ ಬೇರೊಂದು ನಾಮಪದ ಕೆಲಸ ನಡೆಸುವುದು	ಇಂದ	ಇಂ, ಇಂದಂ, ಇಂದೆ, ಎ
೪	ಚತುರ್ಥೀ	ಸಂಪ್ರದಾನ (ಕೊಡುವಿಕೆ)/ತಲುಪುವ ಜಾಗ	ಗೆ, ಇಗೆ, ಕ್ಕೆ, ಆಕ್ಕೆ	ಗೆ, ಕೆ, ಕ್ಕೆ
೫	ಪಂಚಮೀ	ಅಪಾದಾನ (ಅಗಲಿಕೆ)/ಪ್ರೇರಣೆ	ದೆಸೆಯಿಂದ	ಅತ್ತಣಿಂ, ಅತ್ತಣಿಂದಂ, ಅತ್ತಣಿಂದೆ
೬	ಷಷ್ಠೀ	ಸಂಬಂಧ/ನಂಟು/ಬೆಸುಗೆ	ಅ	ಅ
೭	ಸಪ್ತಮೀ	ಅಧಿಕರಣ/ಜಾಗ	ಅಲ್ಲಿ, ಒಳು, ಆಗೆ	ಒಳ್

ಮನೆ ಎಂಬ ನಾಮಪದಕ್ಕೆ ಏ೦ಟು ವಿಭಕ್ತಿ ಪ್ರತ್ಯಯಗಳನ್ನು ಸೇರಿಸುವುದು ಹೇಗೆಂದು ಕೆಳಗೆ ಕೊಡಲಾಗಿದೆ.

• ಪ್ರಥಮ ವಿಭಕ್ತಿ: ಮನೆ + ಉ = ಮನೆಯು
• ದ್ವಿತೀಯ ವಿಭಕ್ತಿ: ಮನೆ + ಅನ್ನು = ಮನೆಯನ್ನು
• ತೃತೀಯ ವಿಭಕ್ತಿ: ಮನೆ + ಇಂದ = ಮನೆಯಿಂದ
• ಚತುರ್ಥೀ ವಿಭಕ್ತಿ: ಮನೆ + ಗೆ = ಮನೆಗೆ
• ಪಂಚಮೀ ವಿಭಕ್ತಿ: ಮನೆ + ದೆಸೆಯಿಂದ = ಮನೆಯ ದೆಸೆಯಿಂದ
• ಷಷ್ಠೀ ವಿಭಕ್ತಿ: ಮನೆ + ಅ = ಮನೆಯ
• ಸಪ್ತಮೀ ವಿಭಕ್ತಿ: ಮನೆ + ಅಲ್ಲಿ = ಮನೆಯಲ್ಲಿ, ಮನೆಯೊಳು, ಮನೆಯಾಗ
• ಸಂಭೋದನ ವಿಭಕ್ತಿ: ಮನೆ + ಆ = ಮನೆಯಾ